Ársfjórðungsniðurstaða úr rekstri Walmart var betri en búist var við og tóku hlutabréf í stórverslunarkeðjunni stökk upp á við.

Fram úr væntingum

Heildartekjur stærstu verslunarkeðju heims námu 120,9 milljörðum Bandaríkjadala á öðrum ársfjórðungi, sem fór fram úr væntingum greinenda sem vænst höfðu um 119,3 milljörðum. Er um 0,05% tekjuaukningu frá fyrsta ársfjórðungi.

Hagnaður fyrirtækisins jókst um 8,6% í 3,8 milljarða dali og sala í verslunum sem voru opnaðar á síðasta ári jukust einnig um 1,6%, sem er vöxtur áttunda ársfjórðunginn í röð. Námu tekjur fyrirtækisins 1,21 Bandaríkjadal á hlut, sem er töluvert umfram spár um 1,02 dali á hlut.

Minnkandi sala keppinautar

Rekstrarniðurstöður Walmart koma degi eftir að keppinautur fyrirtækisins, Target, tilkynnti um minnkandi sölu, og 9,7% tekjulækkun.

Walmart tilkynnti í síðustu viku um kaup fyrir 3 milljarða dali á netversluninni Jet.com en í byrjun ársins lokaði fyrirtækið tugum verslana þar sem sala var undir væntingum.

Sala á netinu hefur verið mjög lítill hluti tekna fyrirtækisins, á árinu 2015 nam hún einungis 13,6 milljörðum dala af 482 milljarða dala hagnaði ársins, samt sem áður er umferð um heimasíðu Walmart næstmest á eftir síðu Amazon. Með kaupum á jet.com vonast fyrirtækið til að ná til sín ríkari viðskiptavinahópi.