Afkoma alþjóðaflugfélagsins á Grænhöfðaeyjum, Cabo Verde Airlines, sem Icelandair á 36% hlut í, er sögð hafa verið undir væntingum í nýju ársfjórðungsuppgjöri félagsins sem birt var eftir lokun markaða í gær.
Eins og Viðskiptablaðið greindi frá tapaði Icelandair 31 milljarði króna á fyrsta ársfjórðungi ársins, en þar af er kostnaður vegna heimsfaraldurs kórónuveirunnar sem veldur Covid 19 sjúkdómnum sagður nema 23 milljörðum króna.
Í uppgjörinu segir jafnframt að neikvæð þróun í starfsemi flugfélagsins á Grænhöfðaeyjum geti haft áhrif á rekstur dótturfélagsins Loftleiðir, en það leigir CVA vélar.
Jafnframt er fjallað um leit félagsis að langtímafjármögnun, en Viðskiptablaðið fjallaði um það í byrjun febrúar að íslenski fjárfestahópurinn, leiddur af Icelandair, sem keypt hefði 51% hlut í félaginu hefði fært niður milljarðs króna fjárfestingu að fullu.
Meðal fjárfesta í hópnum auk Icelandair má nefna Björgólf Jóhannsson fyrrum forstjóra Icelandair, en hópurinn hafði vænst þess að flugfélagið á eyjunum gæti verið kominn í hagnaðarrekstur strax á næsta ári, 2021 .
Hér má lesa frekari fréttir um fjárfestingar Icelandair í öðrum flugfélögum á Atlantshafseyjum:
- 7. febrúar 2020 - Töpuðu milljarði á Grænhöfðaeyjum
- 8. janúar 2020 - Segja ógreidd laun flugfélags misskilning
- 1. mars 2019 - Icelandair skrifar undir á Grænhöfðaeyjum
- 23. nóvember 2018 - Icelandair býður í erlent flugfélag
- 27. júlí 2018 - Fá frest í útboði flugfélags Azoreyja
- 31. mars 2018 - Icelandair býst við reiðufé
- 4. febrúar 2018 - Nýr tengipunktur yfir hafið
- 10. ágúst 2017 - Loftleiðir gera samning á Grænhöfðaeyjum
