Þorsteinn Hjaltested er þekktastur sem skattakóngur Íslands en hefur að auki vakið athygli fjölmiðla sem besti vinur Geira heitins í Goldfinger og aðili að erfðadeilumáli Hjaltested-ættarinnar. Þorsteinn, sem í fjölmiðlum hefur gjarnan verið kallaður óðalsbóndinn á Vatnsenda, auðgaðist með sölu á landi sínu á Vatnsenda við Elliðavatn. Hverfið hefur á tiltölulega fáum árum breyst úr útivistarsvæði í íbúðahverfi. Þar býr Þorsteinn ásamt fjölskyldu sinni og herma fregnir að hann hyggist rífa gamla ættaróðalið og byggja þar 1.2000 fermetra íbúðahúsnæði.
Þorsteinn Hjaltested er giftur hinni eistnesku Kaire Hjaltested. Kaire heldur Þorsteini félagsskap á lista ríkisskattstjóra yfir þá sem mest greiða í opinber gjöld hér á Íslandi. Samkvæmt skattstjóra greiddi hún rúmar 39 milljónir króna vegna skattaársins 2011. Þorsteinn greiddi sjálfur rúmlega 185 milljónir króna.
Nánar er fjallað um málið í Viðskiptablaðinu. Áskrifendur geta nálgast blaðið undir liðnum tölublöð hér að ofan.
