Við yfirferð á fjármálum sveitarfélaga verður ekki annað séð en að þróunin sé jákvæð þegar á heildina er litið,“ segir í nýrri ársskýrslu eftirlitsnefndar um fjármál sveitarfélaga (EFS). Sérstaklega er þess getið að veltufé frá rekstri fari hækkandi „en aukning þess er forsenda þess að skuldsettum sveitarfélögum takist að greiða niður skuldir sínar“. Þrátt fyrir að þróunin sé almennt jákvæð er sérstaklega tekið fram í skýrslunni að mörg sveitarfélög séu svo skuldsett að fyrirséð sé að nokkur ár þurfi til að skera úr um hvort þau ráði við stöðuna.
„Fjármál Sandgerðisbæjar hafa verið til umfjöllunar hjá eftirlitsnefndinni síðustu misseri vegna erfiðrar fjárhagsstöðu sveitarfélagsins,“ segir í ársskýrslunni. Þar kemur fram að í september í fyrra hafi bærinn skilað skýrslu vegna samkomulags við innanríkisráðherra. Í henni var gert ráð fyrir að rekstur bæjarins kæmist í jafnvægi á næstu þremur árum. Forsendurnar fyrir því væri í fyrsta lagi að Sandgerðisbær næði samningum við Eignarhaldsfélagið Fasteign um að sveitarfélagið leysti til sín þær eignir sem það leigir af Fasteign.
Nánar er fjallað um málið í Viðskiptablaðinu. Áskrifendur geta nálgast blaðið undir liðnum tölublöð hér .
