Whittard of Chelsea, verslanakeðja í eigu Baugs á, að sögn breska blaðsins Telegraph, í miklum rekstrarerfiðleikum vegna síminnkandi sölu.
Samkvæmt blaðinu eru enn í gangi viðræður um mögulega sölu verslanakeðjunnar. Ekkert liggur þó fyrir í þeim efnum.
Saga verslanakeðjunnar nær aftur til ársins 1886 en í búðunum er selt te, kaffi og ýmislegt því tengt. Nú eru 130 verslanir í keðjunni.
Baugur keypti Whittard of Chelsea árið 2005.
