Persónuverndaryfirvöld Evrópusambandsins ákváðu í morgun að sekta Meta, móðurfélag Facebook, um 181 milljarð króna fyrir að hýsa gögn um evrópska notendur í gagnaverum í Bandaríkjunum.
Sektin verður formlega tilkynnt á blaðamannafundi seinna í dag en samkvæmt The Wall Street Journal setur niðurstaðan þrýsting á bandarísk yfirvöld til að ljúka við samning við ESB sem leyfir bandarískum tæknifyrirtækjum að hýsa upplýsingar frá Evrópu í heimalandinu.
Samkvæmt ákvörðun persónuverndaryfirvalda ESB hefur Meta hýst gögn evrópskra Facebook notenda í Bandaríkjunum árum saman. ESB segir að með þessu geta bandarískar njósna- og öryggisstofnanir komist í gögnin.
Um er að ræða hæstu sekt sem persónuverndaryfirvöld ESB hafa skellt á fyrirtæki (1,3 milljarður Bandaríkjadala) en fyrri met átti Amazon sem fékk 806 milljón dala sekt árið 2021. Sekt Amazon er nú í áfrýjunarferli fyrir dómstólum í Lúxemborg.
Ásamt sektinni þarf Meta að hætta að senda gögn um evrópska notendur til Bandaríkjanna og eyða gögnum sem nú þegar hafa verið send. Takist Bandaríkjunum og ESB hins vega að ná samkomulagi um hýsingu á gögnum notendum falla þessar kvaðir niður.