Euisun Chung, sonur og tilvonandi arftaki stjórnarformanns suður-kóresku samsteypunnar Hyundai Motor Group, Mong-Koo Chung, hefur verið skipaður varaformaður stjórnar félagsins, samkvæmt frétt Reuters .
Chung yngri, sem er 47 ára gamall, var að því er segir í tilkynningu frá félaginu skipaður í stöðuna til að bregðast við „versnandi alþjóðlegu viðskiptaumhverfi og breytingum á samkeppnisumhverfi stórra markaða,“.
Hyundai er næststæsta fyrirtæki Suður-Kóreu, með um 3.300 milljarða króna markaðsvirði.
