*

þriðjudagur, 25. júní 2019
Erlent 29. nóvember 2016 20:05

Fá allt í gegnum snjallsímann

Bandarískir neytendur keyptu fyrir rúman milljarð dala í gegnum snjallsímana sína í gær. Netverslun blómstrar sem aldrei fyrr.

Ritstjórn
epa

Netverslanir vestanhafs hafa lokkað til sín viðskiptavini með sérstökum tilboðsdegi sem kallast á ensku cyber monday. Dagurinn hefur skilað netverslunum umtalsverðri innkomu rétt fyrir jólin, en viðskiptin hafa oftast nær farið fram í gegnum fartölvur og borðtölvur.

Snjallsímavæðingin hefur þó haft umtalsverð áhrif á smásölu á netinu, en í ár keyptu bandarískir neytendur fyrir ríflega 1,07 milljarða Bandaríkja og það með símum. Aukningin nemur um 34% milli ára samkvæmt Adobe Digital Insights.

Netverslanir hafa nú verið að fjárfesta í smáforritum og sérstökum viðmótum, sem eiga að bæta upplifun neytenda í snjallsímunum. Þessi fjárfesting virðist því vera að skila sér, ef marka má aukninguna.

Heilt yfir skilaði cyber monday tilboðsdagurinn netverslunum 3,45 milljörðum. Um er að ræða 12,1% aukningu milli ára. Sérfræðingar telja þessa þróun ekki á enda og telja sumir hverjir að hefðbundin verslun verði nánast aldrei sú sama.

Stikkorð: Snjallsímar Netverslun Jólin Sölumet
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is