Í desember næstkomandi opnar nýsköpunarmiðstöð við Hlemm sem mun hýsa Útón, Íslensku tónverkamiðstöðina og Iceland Airwaves meðal annarra.
Unnið er að lagfæringu á húsnæðinu en það er 275 fermetrar.
Reykjavíkurborg tilkynnti um þetta á mánudag en leit hafði staðið yfir að hentugu húsnæði fyrir skapandi greinar í samstarfi við Nýsköpunarmiðstöð Íslands. Reykjavíkurborg mun leigja húsnæðið af Félagsbústöðum og áframleigja það til Nýsköpunarmiðstöðvarinnar.
