Raunverð íbúðarhúsnæðis hefur hækkað um tæp 10% frá sumrinu 2017, þegar skarplega dró úr ævintýralegum hækkunum áranna á undan. Sá stöðugleiki fasteignaverðs sem ríkt hefur í þau tæp þrjú ár á sér fáar hliðstæður frá aldamótum.
© vb.is (vb.is)
Íbúðabygging tók hægt og rólega við sér með auknum efnahagsumsvifum og hækkandi fasteignaverði næstu árin. Fjöldi fullgerðra íbúða á árinu jókst jafnt og þétt frá 2011 til 2018, úr 1,8 á hverja 1.000 manns í 6,5, eða um 269% á þessum sjö árum. Enn voru þær þó færri 2018 en þær höfðu verið á hverju ári frá 2002 til og með 2008, á hverja 1.000 íbúa.
Eftir að miklum fasteignaverðshækkunum linnti og núverandi efnahagslægð tók við af góðærinu komu fram áhyggjur af því að jafnvel væri of mikið magn íbúða í byggingu og stefnt gæti í raunverðslækkun þeirra.
Útlit er þó fyrir að hægja hafi tekið á íbúðabyggingu , sem vegur upp á móti fallandi eftirspurn vegna lægðarinnar, og því líklegt að verð haldist áfram nokkuð stöðugt í fyrirsjáanlegri framtíð.
Nánar má lesa um málið í Viðskiptablaðinu. Áskrifendur geta nálgast blaðið undir Tölublöð , aðrir geta skráð sig í áskrift hér .
