Seðlabankinn fær 58 milljón króna arð greiddan vegna afkomu Alþjóðagreiðslubankans í Basel í Sviss (Bank for International Settlements - BIS). Bankinn gerir upp í í sérstökum dráttarréttindum (SDR) og hagnaðist um 898,2 milljónir SDR, sem svarar til 168 milljarða íslenskra króna, á síðasta reikningsári sem lauk í enda mars.
BIS er hlutafélag í eigu sextíu seðlabanka og á Seðlabanki Íslands þúsund hluti í honum.
Fram kemur í tilkynningu frá Seðlabanka Íslands í tengslum við ársfund BIS um helgina að þar hafi verið ákveðið að greiða út arð sem nemur 315 SDR á hlut. Miðað við það fær Seðlabanki Íslands 315 þúsund SDR í arð eða 58 milljónir íslenskra króna.
