*

þriðjudagur, 18. febrúar 2020
Innlent 13. febrúar 2020 07:40

Færa niður hlutafé í PCC

Lífeyrissjóðir og Íslandsbanki lengja í láni og gefa eftir vexti gagnvart PCC. Hluthafar hafa einnig fært niður virði eignarhlutar í PCC.

Ingvar Haraldsson
Kísilver PCC á Bakka.
Aðsend mynd

Bakkastakkur, fjárfestingafélag í eigu Íslandsbanka og lífeyrissjóða, mun lengja í láni og gefa eftir af vöxtum til PCC á Bakka samkvæmt samkomulagi sem gert var um fjármögnun félagsins. Þá hafa margir hluthafanna hafa fært niður mat sitt á verðmæti 2,4 milljarða króna hlutafjár þeirra í PCC samkvæmt heimildum Viðskiptablaðsins.

Ganga á frá fjármögnunarsamningi á næstu vikum en ráðgert er að þýska móðurfélagið PCC SE, sem á 86,5% í kísilverinu á móti 13,5% hlut Bakkastakks, muni leggja fram um fimm milljarða króna í reksturinn. Þá kann deila um framkvæmdakostnað kísilversins vera á leiðinni fyrir gerðardóm, en bygging kísilversins kostaði alls um 37 milljarða króna. PCC krefst tafabóka en SMS Siemag, sem byggði kísilverið hefur gert mótkröfu upp á 44 milljónir evra, um sex milljarða króna.

Bakkastakkur lagði fram 2,4 milljarða króna í hlutafé og veitti PCC 62,5 milljóna dollara víkjandi breytanlegt skuldabréfalán, andvirði um átta milljarða króna árið 2015. Lánið var bókfært á 9,5 milljarða króna í árslok 2018 eftir að áföllnum vöxtum hafði verið bætt við lánið sem hingað til hefur borið 8,5% vexti.

Nánar er fjallað um málið í Viðskiptablaðinu. Áskrifendur geta nálgast blaðið undir Tölublöð, aðrir geta skráð sig í áskrift hér

Stikkorð: Íslandsbanki PCC Bakkastakkur