Airbus 320 flugvél þýska flugfélagsins Germanwings hefur hrapað til jarðar í frönsku ölpunum nærri borginni Digne. Kemur þetta fram í yfirlýsingu franska forsætisráðherrans sem Wall Street Journal greinir frá.
Samkvæmt upplýsingum frá franska innanríkisráðuneytinu hefur brak úr vélinni fundist skammt frá Digne.
Samkvæmt franska dagblaðinu Le Parisien eru 142 farþegar um borð auk áhafnar í vélinni sem var á leiðinni frá Barcelona til Dusseldorf.
Vélin fór í loftið klukkan 10 að staðartíma en hvarf af ratsjám klukkan 11.