Þorsteinn Baldur Friðriksson, stofnandi og einn eigenda Plain Vanilla, fékk tæpar 583 milljónir króna í sinn hlut þegar fjárfestingafélögin Tencent Holdings og Sequoia Capital lögðu hugbúnaðarfyrirtækinu til 22 milljónir dala í hlutafé í lok árs 2013.
Þetta kemur fram í ársreikningi WhiteRock ehf., sem heldur utan um eignarhlut Þorsteins í Plain Vanilla Corp, sem er móðurfélag PV hugbúnaðar hf. Hann greiddi sér út 30 milljónir króna í arð á þessu ári samkvæmt ársreikningnum.
Þorsteinn segir að fyrir kaupverðið hafi erlendu fjárfestarnir fengið „örfá prósent“ af hlutafé í Plain Vanilla Corp. Fyrst og fremst hafi viðskiptin þó verið einskonar stofnendaþóknun.
Nánar er fjallað um málið í Viðskiptablaðinu, sem kemur út á morgun. Áskrifendur geta nálgast blaðið hér . Meðal annars efnis í blaðinu er:
- Alþjóða gjaldeyrissjóðurinn ráðleggur stjórnvöldum að segja sem minnst.
- VR hefur þróað nýja kaupmáttarvísitölu sem tekur tillit til ráðstöfunartekna í stað reglulegra launa.
- Hvalfjarðasveit vill betri upplýsingar um mengun frá Silicor Materials áður en lengra er haldið.
- Fjallað er um ráðgefandi álit EFTA dómstólsins um verðtryggð íslensk lán í ítarlegri úttekt.
- Sælkeraverslanir taka áfengisfrumvarpi Vilhjálms Árnasonar fagnandi.
- Björgólfur Thor Björgólfsson segir kaupin á Landsbankanum hafa verið hans stærstu mistök í ítarlegu viðtali
- Verðbólga mælist nú undir 1% og gæti farið undir neðri vikmörk verðbólgumarkmiðs Seðlabanka Íslands
- Fjallað um reynsluakstur á BMW X4
- Huginn og Muninn eru á sínum stað, Týr fjallar um skoðanakannanir og Óðinn skrifar um ríkisfjármál
- Þá eru í blaðinu pistlar, myndir og margt fleira