*

fimmtudagur, 12. desember 2019
Innlent 13. nóvember 2019 18:00

„Félög SFS skulu fara að lögum“

Framkvæmdastjóri Samtaka fyrirtækja í sjávarútvegi segir Samherjamálið geti haft áhrif á orðspor íslensks sjávarútvegs.

Ritstjórn
Heiðrún Lind Marteinsdóttir er framkvæmdastjóri Samtaka fyrirtækja i sjávarútvegi.
Haraldur Guðjónsson

„Samtök fyrirtækja í sjávarútvegi vilja taka fram vegna umræðu um starfsemi Samherja hf. í Afríku, að það hefur ætíð verið afstaða samtakanna að allir félagsmenn skuli fara að lögum og eftir reglum. Gildir þá einu hvar viðkomandi starfsemi fer fram, á Íslandi eða í útlöndum.“

Þannig hljóðar yfirlýsing frá Samtökum fyrirtækja í sjávarútvegi sem Heiðrún Lind Marteinsdóttir undirritar og send var til fjölmiðla í dag. 

„Hvað varðar framkomnar ásakanir á hendur Samherja hf., þá eru þær í eðli sínu alvarlegar og það er fyrirtækisins að bregðast við þeim. Ljóst er að mál af þessu tagi getur haft áhrif á orðspor íslensks sjávarútvegs og stöðu á alþjóðlegum markaði. Því er brýnt að málið verði rannsakað og hið rétta komi fram. Það er allra hagur, ekki síst þeirra sem bornir eru þungum sökum.“