Festa - miðstöð um samfélagsábyrgð hefur lagt fram fjórar tillögur til Ragnheiðar Elínar Árnadóttur, iðnaðar- og viðskiptaráðherra í ósk um að stjórnvöld beiti sér fyrir aukinni samfélagsábyrgð fyrirtækja.
Þær tillögur sem Festa beinir til stjórnvalda eru:
- Að yfirvöld hafi skýra framtíðarsýn um samfélagsábyrgð fyrirtækja á Íslandi. Með því geti fyrirtæki öðlast skýr viðmið um hvernig þau geti stundað ábyrgan rekstur.
- Rekstrarumhverfi fyrirtækja hvetji til samfélagsábyrgðar, t.d. með að veita fjárhagslega hvata til að sýna ábyrgð frekar en að hafa neikvæð áhrif á umhverfið og samfélagið.
- Að upplýsingagjöf fyrirtækja um samfélagslega ábyrgð verði samræmd við Evrópu og á Norðurlöndin.
- Samstarf um fræðslu til fyrirtækja um samfélagslega ábyrgð, en Festa mælir með því að byrja á ferðaþjónustunni og óskar eftir sameiginlegur kynningarátaki iðnaðar- og viðskiptaráðuneytisins og Festu.
Festa bendir á að samfélagsleg ábyrgð skilar rekstraraðilum aukinni hagkvæmni til lengri tíma og hefur gagnkvæman ávinning fyrir fyrirtæki og samfélag.