Stjórn Farmanna- og fiskimannasambands Íslands (FFSÍ) telur að með kaupum Framtakssjóðs á Vestia, af Landsbankanum, hafi stjórn sjóðsins farið langt út fyrir þann ramma sem lagður var til grundvallar þegar hlutverk sjóðsins var kynnt fyrir stjórnum þeirra Lífeyrissjóða sem gert er ráð fyrir að standa muni að fjármögnun Framtakssjóðsins.
Stjórn FFSÍ telur að byrjað hafi verið á öfugum enda, þar sem ekki hafi á nokkurn máta verið sýnt fram á að kröfu um ávöxtun sé fullnægt. Stjórnin leggur áherslu á að nú þegar sé meira en nóg komið af áhættufjárfestingum hjá lífeyrissjóðum íslensks launafólks.