Íslenskur fíkniefnamarkaður virðist ekki vera næmur fyrir aðgerðum stjórnvalda. Verð á markaðnum hefur lækkað mikið undanfarin ár, en þó getur fjárfesting á fíkniefnamarkaði reynst mjög arðbær.
Mikið upp úr sölu að hafa
Viðskiptablaðið ræddi við aðila sem hefur nokkurra ára reynslu af markaði með fíkniefni, einkum kókaínmarkaði. Viðkomandi vildi eðli málsins samkvæmt ekki láta nafns síns getið.
Spurður hvort mikið sé upp úr sölu kókaíns að hafa segir viðkomandi að svo sé. Algengt sé að innflytjendur greiði jafnvirði 5.000 til 7.000 króna fyrir hvert gramm af sterku kókaíni á erlendum mörkuðum, sem sé síðan flutt inn, drýgt og selt heildsölum á talsvert hærra verði.
Ítarlega er fjallað um íslenskan fíkniefnamarkað í Viðskiptablaðinu sem kom út í dag. Áskrifendur geta nálgast pdf-útgáfu af blaðinu með því að smella á hlekkinn Tölublöð .
