Íslendingar hafa ekki látið að sér kveða í olíugeiranum til þessa og því þykja tíðindi að stofnað hefur verið íslenskt fjárfestingarfélag með sterka bakhjarla, Lindir Resources, sem ætlar að marka sér sess á sviði orkuiðnaðar og náttúrulegra auðlinda, fyrst og fremst olíu til að byrja með.
Gunnlaugur Jónsson, forstjóri Linda Resources, kveðst telja hafa skort félag af slíku tagi í viðskiptaflóru landsins. Félagið hefur í upphafi ítök í olíugeiranum víðs vegar um heiminn og bindur miklar vonir við olíuvinnslu í íslenskri lögsögu.
Í helgarblaði Viðskiptablaðsins er ítarlegt viðtal við Gunnlaug Jónsson.
Áskrifendur Viðskiptablaðsins geta nú þegar, frá kl. 21:00 í kvöld, lesið blað morgundagsins á pdf-formi hér á vefnum. Þeir áskrifendur sem ekki hafa sótt um aðgangsorð til að lesa blaðið á vefnum geta gert það hér .
