Alls sóttu fimm mans um embætti landlæknis sem auglýst var fyrir skemmstu.
Þetta kemur fram á vef heilbrigðisráðuneytisins en heilbrigðisráðherra skipar landlækni til fimm ára í senn að fengnu mati nefndar sem metur hæfni umsækjenda en fulltrúar í nefndinni hafa þekkingu á rekstri, starfsmannamálum, stjórnsýslu og heilbrigðisþjónustu.
Í auglýsingu um starfið er krafist sérfræðimenntunar í læknisfræði og víðtækrar reynslu eða menntunar á sviði stjórnunar. Embættið er undir yfirstjórn heilbrigðisráðherra og er markmið með starfrækslu þess að tryggja gæði heilbrigðisþjónustu og stuðla að heilbrigði landsmanna. Landlæknir ber ábyrgð á því að embættið starfi í samræmi við lög og stjórnvaldsfyrirmæli.
Þeir sem sækjast eftir embætti landlæknis eru:
- Finnbogi O. Karlsson, læknir. Hann rekur lækningastofu í efnaskipta- og innkirtlalækningum í Arkansas í Bandaríkjunum.
- Geir Gunnlaugsson, læknir. Hann er prófessor við Kennslufræði- og lýðheilsudeild Háskólans í Reykjavík.
- Kristján Oddsson, læknir. Hann er aðstoðarlandlæknir.
- María Heimisdóttir, læknir. Hún er yfirlæknir á hag- og upplýsingasviði Landspítala.
- Ragnar Jónsson, læknir. Hann er sjálfstætt starfandi bæklunarskurðlæknir á eigin læknastofu.
Sérstök matsnefnd fær nú umsóknirnar til umfjöllunar. Hún skilar heilbrigðisráðherra áliti sínu á umsækjendum og þá fyrst getur ráðherra tekið ákvörðun um hver verður næsti landlæknir. Skipað er í stöðu landlæknis til fimm ára frá 1. janúar 2010.