Útgerðarfélagið FISK Seafood hagnaðist um 1,4 milljarða króna á síðasta reikningsári sem lauk í ágúst 2016. Dróst hagnaður lítillega saman milli ára en hagnaðurinn nam 1,8 milljörðum króna á fyrra reikningsári. Félagið greiddi 250 milljónir í arð á reikningsárinu en félagið er í eigu Kaupfélags Skagfirðinga.
Rekstrartekjur námu 9,1 milljarði og EBITA 2 milljörðum króna. Eigið fé félagsins nam 20,5 millj örðum króna við lok reikningsársins en skuldir 1,7 milljörðum króna og eignir 22,2 milljörðum. Síðan ársreikningurinn kom út hefur félagið selt allan eignarhlut sinn í Olís sem bókfærður var á 1,8 milljarða króna. Þá mat félagið virði aflaheimilda á 4,4 milljarða króna og skipa og fasteigna á 2,5 milljarða króna. Handbært fé frá rekstri nam 1 milljarði miðað við 1,85 milljarða króna á fyrra ári.
