Alþjóðlega matsfyrirtækið Fitch Ratings lækkaði í kvöld lánshæfismat fimm Evrópusambandsríkja sem öll eru meðlimir í myntsamstarfi Evrópu.
Löndin sem matsfyrirtækið lækkaði eru Spánn, Ítalía, Belgía, Slóvenía og Kýpur. Að auki breytti Fitch horfum Írlands í neikvæðar en öll löndin sem lækkuð voru í dag hafa neikvæðar horfur. Það þýðir að meira en 50% líkur eru á að lánshæfismat þeirra lækki næstu tvö árin.
Einkunnir landanna eru eftirfarandi eftir lækkunina:
- Spánn A
- Ítalía A-
- Belgía AA-
- Kýpur BBB-
- Slóvenía A
- Írland BBB+