Matsfyrirtækið Fitch Ratings staðfesti í dag að horfur fyrir lánshæfismat ríkissjóðs Íslands vegna skuldbindingar í innlendri og erlendri mynt væru enn neikvæðar.
Fyrirtækið breytti lánshæfishorfum í febrúar sem varð upphafið að umróti á íslenskum fjármálamarkaði fyrr á þessu ári.
Hins vegar staðfesti fyrirtækið lánshæfiseinkun íslenska ríkisins í erlendum gjaldmiðlum, sem er AA-mínus, og einnig skuldbindingar í íslenskum krónum, sem er AAA.
Landseinkunn (e. country ceiling ratings) var einnig staðfest AA og lánshæfiseinkuninn fyrir erlendar skammtímaskuldbindingar F1+.