Fjárfestingafélagið Grettir hf. hefur aukið eignarhlut sinn í Avion Group úr 1,04% í 7,13%, segir í tilkynningu Kauphallarinnar.

Grettir keypti 109,24 milljónir hluta í Avion Group í dag, en fyrir viðskiptin átti Grettir 18,67 milljónir hluta.

Heildarvelta viðskipta bréfa Avion nam 4,4 milljörðum króna í dag, samkvæmt upplýsingum Kauphallarinnar.

Fjárfestingarfélagið Grettir er í eigu Tryggingamiðstöðvarinnar, Landsbanka Íslands sem hvort um sig eiga 49,75% hlutafjár, og Stefáns I. Bjarnasonar sem á 0,5% hlutafjár.

Fyrr í dag seldi Straumur-Burðarás 100 milljónir hluta í Avion Group.