*

fimmtudagur, 18. júlí 2019
Innlent 14. desember 2017 09:29

Fjárlagaafgangurinn 35 milljarðar

Í nýju fjárlagafrumvarpi ríkisstjórnarinnar minnkar afgangurinn um 9 milljarða frá frumvarpi fyrri ríkisstjórnar.

Ritstjórn
Haraldur Guðjónsson

Heildarafkoma ríkissjóðs er áætluð nálega 1,3% af vergri landsframleiðslu árið 2018, eða um 35 milljarða króna samkvæmt fjárlagafrumvarpi sem Bjarni Benediktsson fjármálaráðherra og formaður Sjálfstæðisflokksins kynnir nú.

Um nokkra aukningu er að ræða frá frumvarpinu fyrir árið 2017 en þau voru samþykkt með 24,7 milljarða afgangi, en minni en samkvæmt fjárlögum næsta árs sem samþykkt voru tveim dögum áður en ríkisstjórn Bjarna Benediktssonar þáverandi forsætisráðherra féll. 

Eins og Viðskiptablaðið sagði frá á sínum tíma var þá stefnt að 44 milljarða afgangi. Nú er gert ráð fyrir 840 milljarða tekjum ríkisins, en liðurinn gjöld og afkoma tekur 733 milljarða, vaxtagjöld taka 72 milljarða og eru þá 35 milljarðar eftir eins og áður sagði.

25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is