Fjármálastjóra Trump-samsteypunnar, Allen Weisselberg, hefur verið veitt friðhelgi í tengslum við rannsóknina á Michael Cohen, fyrrum lögfræðingi Donalds Trump.
Weisselberg var kallaður fyrir rétt fyrr á árinu vegna rannsóknar á Cohen, en hann játaði að hafa borgað tveimur konum fyrir þögn þeirra fyrir hönd Trump á þriðjudag.
Friðhelgin sem Weisselberg var veitt er sú nýjasta, en á fimmtudag kom í ljós að David Pecker, framkvæmdastjóra útgáfufélags blaðsins National Enquirer, hafði einnig verið veitt friðhelgi í Cohen-málinu.
Weisselberg er sagður vera nefndur á nafn á á upptöku sem Cohen tók upp án hans vitundar árið 2016. Á upptökunni ræða þeir greiðslu til meints elskhuga Trump, í skiptum fyrir þögn viðkomandi.
