Innistæður innlánsstofnana meira en þrefölduðust, eða úr 43,2 milljörðum í árslok 2006 í rúmlega 152 milljarða króna í árslok 2007. Þetta tengist lausafjárþörf stofnana og hærri bindiskyldu, sem speglar líka lán gegn veði, og dregur fram umtalsverða efnahagsþenslu.
Þó ber að taka fram að þessi fjárhæð sveiflast á milli mánaða og þótt staðan sé þessi í árslok 2007 hefur hún verið mismunandi á árinu. Aukningin sýnir þó að bankarnir hafi talið sig þurfa mikið fé á umræddum tíma. Innistæður annarra fjármálastofnana margfölduðust einnig, eða úr 130 milljónum króna í árslok 2006 í 1,4 milljarða í árslok 2007. Þetta er bæði vegna fjölgunar fjármálastofnana og aukinna umsvifa.
Grunnféð nær þrefaldðist, eða úr 59,5 milljörðum króna í tæplega 168 milljarða króna. Þessi tala samanstendur af seðlum og mynt í umferð og heildarinnstæðum innlánsstofnana, þ.e. innistæðum hjá bankastofnunum.
Seðlar og mynt í umferð jukust um 1,2 milljarða á árinu, þannig að lunginn af hækkuninni stafar af vexti í heildarinnistæðu innlánsstofnana. Þessi mikla aukning sýnir því útþenslu í bankakerfinu.
