*

sunnudagur, 18. apríl 2021
Innlent 24. febrúar 2021 15:52

Fjarskiptafélögin hækka mest

Meira en þriðjungur af veltu Kauphallarinnar í dag var með hlutabréf Arion banka sem lækkuðu um eitt prósent.

Ritstjórn
Kauphöllin, Nasdaq
Haraldur Guðjónsson

Úrvalsvísitalan lækkaði um 0,43% í þriggja milljarða króna veltu Kauphallarinnar í dag. Fimmtán af nítján félögunum lækkuðu í viðskiptum dagsins. 

Langmesta veltan, eða um 1,2 milljarðar króna, var með hlutabréf Arion banka sem lækkuðu um eitt prósent. Hlutabréfaverð bankans hefur engu að síður hækkað um 27% á árinu. 

Icelandair lækkaði mest allra félaga eða um tæp 2% í 81 milljón króna viðskiptum. Reginn lækkaði næst mest um 1,8% og Reitir fylgdi þar á eftir í 1,6% lækkun en Eik hækkaði þó um 0,1%. 

Síminn hækkaði mest eða um hálft prósent í 129 milljóna króna veltu. Magnús Ragnarsson, framkvæmdastjóri sölu hjá Símanum, keypti fyrir rúmlega 27 milljónir í félaginu í dag. Hitt fjarskiptafélagið í Kauphöllinni, Sýn, hækkaði einnig um 0,4% í dag. 

Stikkorð: Nasdaq Kauphöllin