Lífeyrissjóðir, fjársterkir aðilar og fjárfestingarsjoðir hafa leitað til Íbúðalánasjóðs og spurst fyrir um eignir sem henta til útleigu. Unnið er að fjármögnun eins slíks verkefnis þar sem 156 íbúðir eru keyptar í einu lagi. Sigurður Erlingsson, forstjóri Íbúðalánasjóðs, segir í samtali við Morgunblaðið í dag að fjársterkir aðilar sjái um fjármögnun kaupanna en að félög séu síðan stofnuð í kringum eignirnar.
„Áhuginn er meiri en áður og menn eru líklegri til að klára verkefnin,“ segir Sigurður og bendir á að fyrir tveimur árum hafi ekkert þýtt að standa í þessu.