Mikið minna var um ný íbúðalán í janúar en í desember, segir greiningardeild Landsbankans.
Ný íbúðalán námu tæpum 7,8 milljörðum í janúar en desember mánuður var öllu líflegri. Þá námu útlánin 12,4 milljörðum.
Meðaltal nýrra íbúðalána í fyrra var 17 milljarðar og hefur upphæðin því lækkað umtalsvert.
Meðallánsfjárhæð hefur að sama skapi lækkað.
Þróunin er í takt við það að dregið hefur úr hækkunum fasteignaverðs upp á síðkastið.
Heildarútlán bankanna vegna nýrra íbúðalána eru nú ríflega 330 milljarðar króna.
Mynd fengin frá Landsbankanum.