FL Group hefur í dag keypt 3.176.922 hluti í Finnair Oyj, með framvirkum samningi. Í tilkynningu til Kauphallarinnar kemur fram að fyrir átti FL Investment, sem er dótturfélag í 100% eigu FL Group, 2.123.900 hluti í Finnair Oyj eða 2,4468%, samkvæmt framvirkum samningi.
Hlutirnir eru því ekki skráðir á nafn FL Investment eða FL Group en atkvæðisréttur vegna þeirra er þó á hendi FL Investment og FL Group. Eftir viðskiptin eiga FL Group og FL Investment því sem nemur 6,1066% atkvæðisréttar í Finnair Oyj.
