FL Group hefur keypt 8,987% hlut í norska félaginu Aktiv Kapital, segir í tilkynningu til Kauphallarinnar. Markaðsvirði hlutarins er um 4,7 milljarðar króna

Aktiv Kapital er fjármálafyrirtæki sem sérhæfir sig í innheimtu á viðskiptakröfum. Starfsemi félagsins skiptist í þrennt, kaup á lánasöfnum sem komin eru í vanskil, innheimta viðskiptakrafna og umsýsla reikninga. Hjá félaginu starfa 925 manns í 11 löndum.

Á árinu 2005 námu tekjur Aktiv Kapital sem nemur um 14,3 milljörðum íslenskra króna króna og hagnaður eftir skatta nam um 2,5 milljörðum íslenskra króna.