Gjafir eru undanþegnar ýmsum tollum og gjöldum en um þær undanþágur gilda reglur eins og annað. Þeir sem búsettir eru erlendis mega þannig hafa með sér eða senda hingað til lands gjafir af sérstöku tilefni og má verðmæti slíkra gjafa ekki vera meira en 13.500 krónur.

Þó er ekkert sérstakt ákveðið hámark sett á verðmæti brúðkaupsgjafa sem berast hingað til lands. „Brúðkaupsgjafir eru undanþegnar aðflutningsgjöldum þótt þær séu meira en 13.500 kr. að verðmæti, enda sé að mati tollstjóra um eðlilega og hæfilega gjöf að ræða sem flutt er inn eigi síðar en 6 mánuðum frá brúðkaupi,“ segir í leiðbeiningum á vefsvæði tollstjóra.

„Almennt eru innfluttar brúðargjafir innan ramma þess sem eðlilegt getur talist,“ segir Íris Ösp Ingjaldsdóttir, deildarstjóri lögfræðideildar tollasviðs tollstjóra. „Nýlegt dæmi um brúðargjöf þar sem reyndi á þessa túlkun var flatskjár sem tollstjóri taldi umfram það sem eðlilegt gæti talist en verðmæti hans var um 300.000 krónur,“ segir Íris Ösp.

Nánar er fjallað um málið í Viðskiptablaðinu sem kemur út á morgun. Á meðal efnis í blaðinu er:

  • Eigendur orlofshúsa greiða ekki útsvar
  • Sérstakur saksóknari heldur áfram ákærum
  • Viðvarandi uppgreiðsluvandi Íbúðalánasjóðs
  • Ísland er ódýrast
  • Túristum skutlað í verslunarleiðangra
  • Er Bitcoin að koma inn úr kuldanum?
  • Áhugaverð niðurstaða útboðs á lóðum í Reykjavík
  • Ásta Sigrún Helgadóttir, umboðsmaður skuldara, svarar í ítarlegu viðtali gagnrýnisröddum og segir frá framtíðarsýn sinni á embættið
  • Rathlaup fyrir fullorðna
  • Litlu leyndarmálin í Reykjavík
  • Nærmynd af Kolbeini Árnasyni, nýjum framkvæmdastjóra LÍÚ
  • Huginn & Muninn eru á sínum stað auk Týs sem tjáir sig um skattabreytingar
  • Óðinn skrifar um áliðnaðinn og Landvirkjun
  • Þá eru í blaðinu myndasíður, pistlar, lífið eftir vinnu, og margt, margt fleira