*

sunnudagur, 17. nóvember 2019
Innlent 5. september 2015 08:50

Fleiri vindmyllur mögulegar haustið 2017

Ekki er útilokað að 60-80 vindmyllur Landsvirkjunar með 200MW framleiðslugetu verði komnar í gagnið við Búrfell haustið 2017.

Jóhannes Stefánsson
Margrét Arnardóttir er verkefnastjóri vindorkuverkefna Landsvirkjunar.
Haraldur Guðjónsson

Mögulegt er að 60 til 80 vindmyllur sem geta framleitt um 200 megavött verði komnar í gagnið við Búrfell haustið 2017. Þetta segir Margrét Arnardóttir, verkefnastjóri vindorkuverkefna Landsvirkjunar. Tvær vindmyllur eru á staðnum fyrir.

Rannsóknum vegna mats á umhverfisáhrifum vindmyllanna er nú verið lokið og Landsvirkjun vinnur nú að gerð frummatsskýrslu um verkefnið.

„Mögulega gætum við sett þær upp haustið 2017, en það væri fyrsti möguleiki að gera það þá,“ segir Margrét. Prófanir á nýtingu vindorku á svæðinu hafa gefið góða raun.