Framboð á flugi til London í Bretlandi hefur tvöfaldast á tveimur árum og var flogið þangað í 158 skipti í nýliðnum mánuði. Flug til London voru 25,6% allra áætlunarflugferða í febrúar, samkvæmt talningu flug- og ferðasíðunnar Túrista.is .
Fram kemur í umfjöllun Túrist að í febrúar var boðið upp á áætlunarflug til 23 borga frá Keflavíkurflugvelli og voru ferðirnar 618 talsins.
Næstflest voru flugin í febrúar til Kaupmannahafnar eða 79.
Hér að neðan má sjá helstu borgirnar ásamt hlutfalli ferða þangað í mánuðinum.
- London: 25,6%
- Kaupmannahöfn: 12,9%
- Osló 9,2%
- París: 5,8%
- Stokkhólmur: 5,2%
- New York: 5%
- Boston: 4,5%
- Amsterdam: 4,2%
- Manchester: 4%
- Seattle: 3,2%
