IATA, Alþjóðasamtök flugfélaga, telja að fluggeirinn sé við það að ná sér á strik á ný eftir sögulegan samdrátt í heimsfaraldrinum.
Í farþegaspá samtakanna er því spáðu farþegar með flugi á þessu ári verði 52% af farþegafjöldanum árið 2019 en ná þegar á næsta ári 88% af farþegafjöldanum árið 2019. Þá verði flugfarþegar árið 2023 orðnir 5% fleiri en árið 2019. Hins vegar sé þetta engu síður minni fjölgun en búist var við fyrir faraldurinn þar sem búist var við 3-4% vexti á ári í fluggeiranum. Samtökin spá því að farþegar árið 2030 verði 7% færri en búist var við áður en faraldurinn skall á, sem er á við tveggja ára vöxt í fjölda flugfarþega í eðlilegu árferði.
Í nýlegri kynningu samtakanna er er bent á að iðnframleiðsla í heiminum sé þegar orðin meiri en þegar faraldurinn skall á. Þá sé mikill uppsafnaður sparnaður hjá neytendum víða um heim. Vísbendingar séu um að ferðaþorstinn sé orðinn töluverður enda hafa fæstir geta ferðast af neinu ráði faraldrinum. Bent er til að mynda bent á bókanir frá Bretlandi eftir að Ísland, Gíbraltar og Portúgal fóru á grænan lista stjórnvalda þar í landi í maí. Í kjölfarið fjölgaði bókunum til þessara þriggja landa umfram það sem þær voru árið 2019.
Sjá einnig: Bókanir til Íslands tekið stökk
Bólusettum fjölgar dag frá degi og við það fjölgi í hópi mögulegra flugfarþega. En almennt séð sé líklegt að lönd með stóran innanlandsflugmarkað að ná sér fyrr en önnur lönd.
IATA nefnir einnig að fyrri samdráttarskeið í fluginu undanfarin 30 ár, hafi ekki varað í nema 6 til 18 mánuði og eru þar nefnd heimskreppurnar árið 1991 og 2009, 11. September 2001 og SARS faraldurinn árið 2003. COVID kreppan hefur nú varað í 15 mánuði en hefur þó í för með sér mun meiri afleiðingar fyrir flugið enda dróst flugumferð saman þegar mest var um yfir 90%.
