*

þriðjudagur, 1. desember 2020
Innlent 14. ágúst 2020 15:20

Flytur hlutabréf í Brim milli félaga

Félög í meirihlutaeigu Guðmundar Kristjánssonar áttu 67,8 milljóna króna viðskipti með hlutabréf Brims.

Ritstjórn
Guðmundur Kristjánsson
Haraldur Guðjónsson

Útgerðarfélag Reykjavíkur (ÚR) hefur keypt 1.625.000 hluti í Brim af félaginu Fiskitanga en þau eru bæði í meirihlutaeigu Guðmundar Kristjánssonar, stjórnarmanns Brims. Verðið á hverjum hlut var 41,7 krónur og kaupverðið því rúmlega 67,8 milljónir króna.

Guðmundur, sem lét af störfum sem forstjóri Brims í lok apríl síðastliðnum, seldi ÚR einnig restina af eigin hlutabréfum í Brim. Þau voru 19.797 talsins og kaupverðið nam því 825 þúsundum króna. 

Aðilar sem teljast fjárhagslega tengdir Guðmundi eiga í dag 859,9 milljónir hluta í Brim, samkvæmt flöggunartilkynningu, en það samsvarar tæplega 44% af hlutafé félagsins. Miðað við sölugengið er verðmæti þessara bréfa um 35,9 milljarðar króna.