Fjármálaeftirlitið hefur komist að þeirri niðurstöðu að Straumur fjárfestingabanki sé hæfur til þess að fara með virkan eignarhlut í Íslenskum verðbréfum hf. sem nemur 25%. Greint er frá þessu á vefsíðu Straums.
Viðskiptablaðið greindi frá því í byrjun mánaðarins að Straumur hefði gengið frá kaupum á 100% hlut í Gunner ehf., en það fer með 64,3% eignarhlut í félaginu Íslenskri eignastýringu hf. sem á svo aftur 21,83% eignarhlut í Íslenskum verðbréfum. Straumur er því virkur eigandi í Íslenskum verðbréfum með óbeinum hætti.
