Skrifstofuhugbúnaðurinn Office frá Microsoft er vinsælasta smáforritið í iPad-spjaldtölvur frá Apple um þessar mundir. Hugbúnaðurinn, sem samanstendur af Word, Excel og PowerPoint, var fáanlegur í ITunes-netverslun Apple í gær.

Bent er á það í umfjöllun bandaríska dagblaðsins Wall Street Journal að erfitt sé að spá fyrir um gengi hugbúnaðar Microsoft í netverslun Apple enda njóti ný forrit þar mikilla vinsælda fyrsta kastið.