Ég vænti þess að einhver niðurstaða fáist í nóvember, segir Garðar Hannes Friðjónsson, forstjóri Eikar. Landfestar, dótturfélag Arion banka, og Eik fasteignafélag hafa verið í samrunaviðræðum að undanförnu.
Viðræðurnar hafa staðið yfir allt frá 23. september en áður höfðu eigendur Eikar hafnað tilboði Regins í allt hlutafé félagsins. Það tilboð fól í sér að tilboði í 68% hlutafé yrði samþykkt, hið minnsta.
Í samningaviðræðum er gert ráð fyrir því að Eik fasteignafélag hf. ljúki þeim kaupum fasteigna af SMI ehf., sem félagið hefur skuldbundið sig til, en það eru einkum eignir á Smáratorgi.
