Forstjóri Google, Sundar Pichai, hefur reynt að róa minnka óánægju meðal starfsmanna sem spratt upp í kjölfar þess að orðrómur barst um hugsanlega yrði leitarvélin sett á laggirnar á ný í Kína. Þetta kemur fram í frétt Financial Times .

Pichai segir að það hafi ekki komið til greina af hálfu fyrirtækisins að koma vöru þeirra á markað þar í landi, en fyrirtækið fór af markaðnum árið 2010 sökum póitískrar óvissu.

Um það bil þúsund starfsmenn fyrirtækisins mótmæltu mögulegum áformum stjórnendanna og sögðu þau vekja upp ýmsar siðferðislegar spurningar.

Sama hvaða áform stjórnendur Google hafa er óvíst hvort yfirvöld í Kína samþykki komu leitarvélarinnar til landsins.