Sigrún Ragna Ólafsdóttir, forstjóri Vátryggingafélags Íslands, gerði 800 milljóna króna kauptilboð í nýafstöðnu hlutafjárútboði félagsins. Eins og hjá öðrum fjárfestum sem gerðu tilboð yfir 50 milljónum króna en þó minna en 2,475% af hlutafé félagsins fékk Sigrún Ragna einungis 5% hlut af þeim hlutabréfum sem hún óskaði eftir. Eftir útboðið á hún því ríflega fimm milljónir hluta að andvirði 40 milljónir króna á útboðsgenginu 7,95.
„Ég held að það sé óhætt að segja að ég hafi ekki haft hug á að eiga 800 milljónir [í VÍS] en hafi haft hug á að eiga 40 milljónir,“ segir Sigrún Ragna í samtali við Viðskiptablaðið. Hún bætir því við að hún hafi haft áhuga á að taka þátt í útboðinu sem stjórnandi.
Nánar er fjallað um hlutafjárútboð VÍS í Viðskiptablaðinu sem kemur út á morgun.
Meðal efnis í Viðskiptablaðinu:
- Eignarhald Hraðpeninga er nú hjá erlendu móðurfélagi
- Móðurfélag Símans hefur tapað háum fjárhæðum undanfarin ár
- Stærstir í miðlun á hlutabréfa- og skuldabréfamarkaði
- Hræringar á matvörumarkaði
- Fráfarandi stjórnarflokkar töpuðu ekki bara atkvæðum, heldur einnig milljónastyrkjum
- Starfslok kostuðu RÚV milljónir
- Lýsing semur við erlendan kröfuhafa
- Seðlabankinn leggur áherslu á ábyrga stjórn ríkisfjármála
- Hverjir eiga íbúðabréfin?
- Hagfræðistofnun tekur þátt í þróunarverkefni í Afríku
- Vatnsendamálið flutt í Hæstarétti
- Nýr deildarforseti viðskiptadeildar HR ræðir m.a. um hugsunarvillu stjórnmálamanna í ítarlegu viðtali
- CCP leggur meiri áherslu á að þróa verðmætin sem felast í vörumerkinu EVE Online
- Íslendingum gefst nú kostur á að taka erlent hæfileikapróf
- Listamaður sagður mega krota út myndir annarra
- Hvernig á að lifa af barnaafmæli?
- Milljarða gjaldþrot dótturfélags Saxbygg
- Frímerkjasafnar og skákmaður tekur við stjórnartaumunum hjá Auði Capital
- Óðinn skrifar um skrifar um nauðasamninga, afnám hafta og Framsóknarflokkinn
- Huginn & Muninn eru á sínum stað auk Týs
- Þá eru í blaðinu myndasíður, pistlar, það helsta úr VB sjónvarpi og margt, margt fleira