Forstjórinn eignast meirihluta í Toyota

Úlfar Steindórsson, forstjóri Toyota Íslandi, og Kristján Þorbergsson, framkvæmdastjóri fjármálsviðs fyrirtækisins, hafa eignast 60% hlut í fyrirtækinu. Kaupin voru gerð með samþykki Landsbankans og Toyota Motor Europe (TME) sem er drefingaraðili Toytoa  í Evrópu. Þetta kemur fram í tilkynningu frá Landsbankanum.

Þá mun Landsbankinn halda eftir 40% hlut í fyrirtækinu. Landsbankinn mun þó ekki koma að daglegum rekstri félagsins. Samkomulagið er gert með fyrirvara um samþykki Samkeppniseftirlitsins.

Samþykki TME, sem ákveður hver fer með umboð í hverju landi, byggist á góðri samvinnu við Úlfar Steindórsson og Kristján Þorbergsson og því að þeir munu áfram stýra rekstri og stefnu félagsins.