*

laugardagur, 31. október 2020
Innlent 17. apríl 2014 10:22

Framleiða yfir milljón páskaegg

Nói Síríus, Freyja og Góa framleiða vel yfir milljón egg samtals samkvæmt lauslegri athugun Viðskiptablaðsins.

Guðni Rúnar Gíslason
Haraldur Guðjónsson

„Það má segja að þetta sé hápunkturinn á árinu,“ segir Pétur Blöndal, framkvæmdastjóri Freyju, um páskaeggjasöluna. Hann segir þetta stærsta viðburð ársins ásamt jólunum hjá Freyju. Hann segir að mikil vinna fari í það síðustu dagana fyrir páska að tryggja að sem fæst egg skili sér til baka til fyrirtækisins. Þannig sé fylgst með því hvar salan sé mest og flytja sölumenn birgðir á milli verslana eftir því sem við á. 

Vel á aðra milljón páskaeggja eru framleiddar hér á landi og nemur heildarvelta sælgætisframleiðenda hundruðum milljóna króna um páskana samkvæmt lauslegum útreikningum Viðskiptablaðsins. Nói Síríus er stærsti aðilinn á markaðnum hér á landi en Freyja og Góa framleiða einnig mikinn fjölda af páskaeggjum. Litlu smáeggin sem byrjað var að selja í febrúar telja eflaust um helminginn af framleiðslutölunni.

Nánar er fjallað um málið í Viðskiptablaðinu. Áskrifendur geta nálgast tölublaðið hér að ofan undir liðnum Tölublöð .

Stikkorð: Góa Nói Síríus Freyja