Aðalfundi DV sem halda átti um miðjan dag í dag hefur verið frestað um viku. Reynir Traustason, ritstjóri DV og einn hluthafa blaðsins, segir í samtali við fréttavef Morgunblaðsins , mbl.is, ástæðuna þá að greint hafi verið á um ársreikning DV.
„Þarna er verið að beita blygðunarlaust peningavaldi til að koma mönnum út. Það er eitthvað sem ég held að enginn vilji eða ætli að þola. Ég er alveg pollrólegur og bara mæti í vinnuna á mánudaginn,“ sagði hann.
Haft er eftir Sigurði G. Guðjónssyni að fundinum hafi verið frestað vegna þess að stjórn félagsins gat ekki lagt fram samþykktan ársreikning.