Már Guðmundsson seðlabankastjóri sagði á kynningarfundi vegna vaxtaákvörðunar bankans í gær að það væri allt gott að frétta af gjaldeyrisútboði bankans. Útboðið er eitt af síðustu skrefunum sem þarf að taka áður en fjármagnshöft verða losuð.
Áður hefur komið fram að stefnt væri að því að halda útboðið á yfirstandandi ársfjórðungi, sem þýðir að útboðið verður haldið innan sjö vikna. Már sagðist sífellt verða sannfærðari um að sú tímasetning standist og gaf í skyn að útboðið yrði frekar í fyrri hluta júnímánaðar en í seinni hluta mánaðarins.
Hann sagði að miklar fréttir af útboðinu myndu berast innan nokkurra daga, frekar en vikna.
Frekari fréttir af peningamálum Seðlabanka Íslands má finna í Viðskiptablaðinu. Áskrifendur geta nálgast blaðið á pdf-formi undir Tölublöð.