*

miðvikudagur, 3. mars 2021
Fólk 27. mars 2017 15:00

Friðrik Friðriksson til HB Granda

Friðrik Friðriksson lögfræðingur hefur verið ráðinn til starfa hjá HB Granda. Hann mun sinna mannauðsmálum hjá fyrirtækinu.

Ritstjórn
Mynd fengin af vefsíðu HB Granda.
Aðsend mynd

Friðrik Friðriksson lögfræðingur hefur verið ráðinn til starfa hjá HB Granda. Friðrik mun sinna mannauðsmálum hjá félaginu. Þetta kemur fram í fréttatilkynningu á vefsíðu HB Granda.

„Ráðning hans er til marks um aukna áherslu félagsins á málaflokkinn,“ segir í tilkynningunni. Friðrik hefur undanfarin 10 ár starfað sem lögfræðingur SFS og meðal annars komið að gerð kjarasamninga. Samkomulag er á milli SFS og HB Granda um vistaskiptin og mun Friðrik skipta um starfsvettvang eigi síðar en 1. júlí næstkomandi, að því er kemur fram í frétt HB Granda.