Fyrirtækið Dyngja, sem er í eigu nemenda við Verslunarskóla Íslands, var valið fyrirtæki ársins 2020 í samkeppni Ungra frumkvöðla, Junior Achievement á Íslandi. Mun Dyngja keppa fyrir hönd Íslands, í Evrópukeppni Ungra frumkvöðla, sem fram fer í Cascais , Portúgal dagana 22. – 24. júlí 2020 og nú í fyrsta skipti fjarkeppni ( Virtual ), þar sem ekki verður hægt að hafa keppnina á hefðbundinn hátt vegna heimsfaraldursins.
Tuttugu og fimm fyrirtæki frá 15 framhaldsskólum, voru valin úr hópi 109 fyrirtækja, til að taka þátt í úrslitum Ungra frumkvöðla 2020. Sigurvegarinn, Dyngja, er fjárfestingarapp, sem leyfir notendum sínum að fjárfesta með gervipeningum á íslenska hlutabréfamarkaðinum.
Eftirfarandi hlutu verðlaun:
- Fyrirtæki ársins 2020: Dyngja - Verslunarskóli Íslands
- Fyrirtæki ársins - 2. Sæti: Piskís - Verslunarskóli Íslands
- Fyrirtæki ársins - 3. Sæti: Draumaljós - Fjölbrautaskólinn í Garðabæ
- Mesta nýsköpunin: Skín - Kvennaskólinn í Reykjavík
- Besta fjármálalausnin: Dyngja - Verslunarskóli Íslands
- Besti Sjó-Bisnessinn: Hulur - Borgarholtsskóli
- Samfélagsleg nýsköpun: Rætur - Verslunarskóli Íslands
- Besta hönnunin: Kusari - Menntaskólinn við Sund
- Besta tæknilausnin: iQroll - Framhaldsskólinn í Vestmannaeyjum
- Umhverfisvænasta lausnin: Vösk - Verslunarskóli Íslands
- Bestu markaðsmálin: Koley - Menntaskólinn við Sund
- Besta matvælafyrirtækið: MYSEY - Fjölbrautaskólinn í Garðabæ
Einnig fengu eftirfarandi fyrirtæki viðurkenningu fyrir að vera meðal 25 efstu fyrirtækjanna:
- Ataraxia -Tækniskólinn
- Baría - Menntaskólinn við Hamrahlíð
- Blika - Fjölbrautaskólinn við Ármúla
- Blú – Menntaskólinn við Sund
- Fyrir þig – Borgarholtsskóli
- Gúmmí ehf. – Verslunarskóli Íslands
- Jökla – Fjölbrautaskólinn í Garðabæ
- Karpúl – Fjölbrautaskólinn við Ármúla
- Kul – Verslunarskóli Íslands
- Samvera – Framhaldsskólinn í Vestmannaeyjum
- Snarl – Fjölbrautaskólinn í Garðabæ
- Tindra belti – Verslunarskóli Íslands
- Þarasalvi – Fjölbrautaskólinn í Garðabæ
- Ægisólar – Verslunarskóli Íslands
Junior Achievement (JA) eru 100 ára alþjóðleg félagasamtök sem starfa á heimsvísu en verkefni á vegum samtakanna snerta meira en tíu milljónir nemenda á ári hverju í 123 löndum, þar af yfir fjórar milljónir nemenda í 40 Evrópulöndum. Samtökin leitast við að undirbúa ungt fólk fyrir framtíðina og auka færni þeirra til atvinnuþátttöku og atvinnusköpunar með því að stuðla að aukinni nýsköpunar-, frumkvöðla- og viðskiptamenntun í skólum. JA á Íslandi er þátttakandi í JA á heimsvísu.
Fyrirtækjasmiðja Ungra frumkvöðla JA Iceland er samstarfsverkefni atvinnulífs og skóla, sem fer af stað í janúar á hverju ári með „Sparkinu“ sem er haldið í Háskólanum í Reykjavík en þar er Fyrirtækjasmiðjunni ýtt úr vör, og um 600 framhaldsskólanemendur í 15 framhaldsskólum fá að spreyta sig á því að stofna fyrirtæki, koma fram með hugmynd, framleiða vöru eða þjónustu og selja síðan á Vörumessu sem hefur verið í Smáralindinni árlega. Uppskeruhátíð er venjulega í lok apríl í höfuðstöðvum Arion banka en þar eru veitt verðlaun í 12 flokkum: Fyrirtæki ársins, 1,2 og 3 sæti, mesta nýsköpunin, besta fjármálalausnin, besti sjó-bissnessinn, samfélagsleg nýsköpun, besta hönnunin, besta tæknilausnin, umhverfisvænasta lausnin, bestu markaðsmálin, besta matvælafyrirtækið. Nemendur njóta leiðsagnar Mentora frá samstarfsfyrirtækjum okkar og koma þeir inn í kennslustundir í skólunum. Fyrirtæki ársins keppir í Evrópukeppni JA Europe fyrir hönd Íslands.