*

þriðjudagur, 26. janúar 2021
Innlent 26. janúar 2011 16:17

Frumtak fjárfestir í Controlant ehf.

Frumtak samlagssjóður hefur keypt hlut í félaginu Controlant fyrir 90 milljónir króna.

Ritstjórn
Svana Gunnarsdóttir, Bessi Gíslason, Eggert Claessen, Gísli Herjólfsson, Helga Valfells og Stefán Karlsson
Aðsend mynd

Frumtak hefur fest kaup á hlut í Controlant ehf. Félagið býður upp á heildarlausnir í vöktun á ástandi verðmæta með áherslu á hita- og rakastig. Lausnin er hentug fyrir alla þætti virðiskeðjunnar, hvort sem er í framleiðslu, geymslu eða flutningi. Í öllum iðnaði er nú krafist betri upplýsinga um hitaferla, en slíkar upplýsingar hafa mikil áhrif á gæði og öryggi vörunnar. Fjárfest er fyrir 90 milljónir króna.

Þetta kemur fram í tilkynningu um kaupin. Frumtak er samlagssjóður í eigu Nýsköpunarsjóðs atvinnulífsins, sex af stærstu lífeyris­sjóðum landsins og þriggja banka.

Úr tilkynningu:

„Vél- og hugbúnaður sá sem félagið hefur hannað og þróað er afrakstur 5 ára þróunarstarfs. Aðaláherslan í dag er lögð á hitastigsvöktun í lyfja- og matvælaiðnaði auk rauntímamælinga á orkunotkun. Félagið vinnur með stærstu aðilum hér innanlands í viðkomandi iðnaði og hefur lausnum félagsins verið vel tekið af notendum. Fjárfest er fyrir 90 milljónir króna.

 „Controlant er spennandi fjárfestingakosturi“ sagði dr. Eggert Claessen, framkvæmdastjóri Frumtaks.  „Félagið hefur þróað tæknilausn í ferlivöktun sem á erindi á heimsmarkað, sérstaklega þróun lausna í lyfja og matvælaiðnaði.  Það er ánægjuefni að þeir fjármunir sem Frumtak fjárfestir í félaginu gera því kleift að hefja alþjóðlegt markaðsstarf og nýta það tækniforskot sem félagið hefur“.

„Controlant er fyrirtæki sem byggir á íslensku hugviti“ sagði Gísli Herjólfsson, framkvæmda­stjóri Controlant. „Það er samhentur hópur sem hefur staðið að uppbyggingu félagsins og þróað þá tækni sem lausnir félagsins byggja á.  Þróunarstarf félagsins á undanförnum árum hefur skilað góðum árangri í formi tæknilausna sem standa í fremstu röð.  Samstarf Controlant og Frumtaks gerir fyrirtækinu kleift að hefja alþjóða markaðssetningu af krafti og nýta þannig samkeppnisforskot félagsins.“

Frumtak er samlagssjóður í eigu Nýsköpunarsjóðs atvinnulífsins, sex af stærstu lífeyris­sjóðum landsins og þriggja banka. Frumtak fjárfestir í nýsköpunar- og sprota­fyrirtækjum sem þykja vænleg til vaxtar og útrásar.  Markmið Frumtaks er að byggja upp öflug fyrirtæki sem geta verið leiðandi á sínu sviði og um leið skilað góðri ávöxtun til fjárfesta. Frumtak fjárfestir í fyrirtækjum sem eru komin af klakstigi og er áskilið að fyrir liggi ítarlegar viðskiptaáætlanir.“

Stikkorð: Frumtak Controlant