Boðað hefur verið til þingfundar kl. 10 í kvöld til að afgreiða frumvarp um afléttingu gjaldeyrishafta. Samkvæmt heimildum mbl.is stendur til að ræða málið við þrjár umræður í kvöld og klára það fyrir opnun markaða í fyrramálið.
Boðað var til nefndarfundar í efnahags- og viðskiptanefnd klukkan fimm og síðan mun hefjast þingfundur klukkan tíu í kvöld. Frosti Sigurjónsson formaður nefndarinnar staðfesti þetta í samtali við mbl.is.
Bjarni Benediktsson fjármálaráðherra kynnti frumvarpið fyrir ríkisstjórn síðastliðinn föstudag .